الكوسه بالبشاميل والدجاج

المقادير
1/2 كيلو صدور بانيه-1/2 كيلو كوسه-بصله-معلقة زبده او سمن-2 كوب شوربه-2 مكعب مرق-ملح وفلفل اسمر وبهارات حسب الرغبه-حوالى 5 ملاعق كبيره بشاميل

الطريقه
هنجيب صينيه وهنقطع فيها البصل حلقات ونحط عليها الملح والفلفل والبهارات ونقلبهم كويس مع البصله ونرفعها على النار مع معلقة الزبده ونشوحها نصف سوى وهنجيب الصدور البانيه ونقطعها زى الشاورمه كده بس قطع كبيره شويه ونحطها على البصله وتتشوح معاها وبعدين ننزل بالكوسه ونسيبها تشرب شويه من التتبيله وهنضيف الشوربه ومكعبين المرق ونسيب الكوسه على النار لحد ما تستوى خالص لو حسيتى انها هتنشف ممكن تحطيلها شوية شوربه تانى بس مش كتير وبعد كده هنحط البشاميل من فوق ونحط الصينيه تحت الشوايه لحد ما يحمر الوش وتقدم....بالهنااااا......