ديك رومي محشى بالرز و البسله واللحمه المفرومه

المقادير
ديك رومي الحجم اللي تحبيه-4 كوب ارز-نص كيلو لحمه مفرومه -نص كيلو بسله خضراء-بصله كبيره-ملح-فلفل اسود
بهارات-ملعقه ماسنرده-زبده او سمنه بلدي

الطريقه
1- نغسله كويس جدا وندعكه بالملح والدقيق و الخل وننزع منه الدهن الظاهر وكمان اي حاجه جوه الديك
2- بعد الدعك كويس نشطفه الماء كويس
3- نبشر البصله ونضيف الملح والفلفل والبهارات والمسترده
ندعك الخليط جيدا وبعدين ندعك بيه الديك جيدا من الداخل و من الخارج مع تخريم جلد الديك بالسكينه كي نسمح للتتبيله الدخول في لحم الديك ونغطي الديك ونتركه في الثلاجه يومين

طريقة الحشو الداخلى
1- نضع السمن في حله
2- لما السمن تسيح نضيف اللحمه
3- نضيف الملح وقليل من الفلفل
4- لما اللحم يستوي نضيف 3 كوب ماء ولما يغلي الماء نضبط الملح والفلفل والبهارات ونضيف البسله ونتركها تستوي
5- نضيف الرز وننتظر انه بتشرب الماء
6- لما يتشرب الماء حايكون لسه ناشف شويه وده مقصود لانه حايكمل سوا جوه الديك
7 نحضر الديك ونشيل البصل بتاع التتبيله منه (تتفضه)
8- نحشي الديك يكميه الرز المطلوبه ممكن اضافه لوز وصنوبر مع الرز
9- واحنا نحشي الديك نراعي انه مانملاهوش عشان ندي فرصه للرز يستوي براحنه
10- ندهن الديك يالزبده ونغطيه بالفويل وتدخله الفرن
11- الفرن يكون مولع قبليها ب10 دقايق وبعدين نوطي القرن نترك الديك يسنوي براحته
بياخد ما بين 4 الى 6 ساعات في الفرن

- علامه سوا الديك
لما تشدي جناحه بتحرك معاكي بسهوله
تكشفي الديك وتاخدي من الصوص بتاعه وتغطيه كل 10 دقائق عشان يتحمر
على بال مايستوي الديك لو باقي رز نكمل سواه ولو مش باقي ممكن نطبخ كبايتين رز بنفس طريقه الحشو بس كميه الماء نكون مضبوطه ثم يطلع من الفرن وعندالتقديم صينيه كبيره نفرش الرز عليها وعليه المكسرات ونضع الديك الرومي فوقه وممكن نلف رجل الديك الفويل عشان يدي منظر جمالي ...بالهنااااااااااا.....