مربى خوخ ..

المقادير
كيلو و ربع خوخ - كيلو سكر( ممكن تنقصى من الكيلو كوباية لو مش عايزاها مسكرة قوى )-عصير 2 ليمونة

الطريقة
اغسلى الخوخ كويس وفى حلة فيها ماء مغلى ضعى الخوخ فى الماء المغلى
الخطوة دة علشان سهولة شيل القشرة واتركى الخوخ لمدة من 5 : 10 دقائق وبعد كدة نصفيه على مصفه وشيلى القشرة الخوخ بالضغط عليها هنلاقيها بتطلع كلها فى حلة هنعمل فيها المربى و بعد تقشير الخوخ نقطعه بالسكينة أو نضغط عليه هنلاقى كله نزل و النوى هى اللى تبقات فقط وضعى مقدار السكر بعد الأنتهاء من تقطيع الخوخ كله أنا بحب أسيب أى مربى بعملها ليلة فى الثلاجة أو على الأقل كام ساعة الفاكهة تتشرب السكر و تنزل مايتها

طريقة التسوية
قبل ما نبدأ فى تسوية المربى على النار لازم نقبلها كويس لإذابة السكر
و دى أهم خطوة ونبدأ نسوى المربى على نار هادئة و نتأكد إن السكر ذاب كويس قبل الغليان ولما نبدأ تغلى هتطلع على الوش ريم بسيط ممكن تشيليه علشان تبقى المربى صافيه معاكى ونضيف عصير الليمون
علشان تماسك المربى وقلبى المربى من وقت للتانى وبعد حوالى 3/4 ساعة أو حوالى ساعة نختبر درجة سوى المربى نطلع معلقة على طبق
و نسبيها نهدى شوية و نلاحظ درجة تماسك المربى

ونعقم البرطمانات
(نشعل الفرن دقائق و نضع البرطمانات فى الفرن بعد إطفائه) لو نحس إن المربى تماسكت و تمام نطفى النار و نسيبها تهدى شوية
ثم نعبأ المربى وتقدم مع تحياتى دعاء عاشور وبالهنااا..