عجينة المايونيز

#‏مطبخ_دعاء_عاشور‬
المقادير
2 ونص كوب دقيق - معلقه كبيره خميره - معلقه كبيره سكر - معلقه صغيره ملح - 2 معلقه كبيره مايونيز - مايه دافيه للعجن
لدهن الوش
صفار بيضه 2 معلقه كبيره لبن رشه قهوه
الحشو
جبنه كوبيات بطعم الرومى والشيدروجبنه كيرى

الطريقه
فى طبق كبير او العجان نحط الدقيق والملح والخميره والسكر ونقلبهم ونحط المايونيز ونقلبهم وننزل بمايه مع العجن لمده 10 دقايق لحد ما العجينه تلم وتكون ناعمه وهى تحففففففه وطريه جدا جدا وبعدين نحط فى طبق غويط رشه دقيق ونحط العجينه ونغطيها بقماشه ونحطها فى مكان دافى ونسيبها تخمر ساعه بعد ساعه نشكلها حسب الرغبه ونرصهم فى الصاج وندهن الوش ونسيبها ترتفع 15 دقيقه وبعدين نسخن الفرن 200 وندخلها الفرن ومش بتاخد وقت 20 دقيقه لحد ما ترتفع بس اهم حاجه تكون ذهبى من تحت ونفتح الشوايه شويه تاخد لون دهبى ونقفل ونطلعها من الفرن وتقدم ومع تحياتى دعاء عاشور وبالهنا ...

**سريعة ومش مكلفه وروووووووووعه وهشششه

منها كرواسون وخبز برجر و فطاير جبنه وباتيه و مناقيش و التوست وبيتزا

**ملاحظات
المعجنات في هذه العجينه بتقعد 3 ايام وهي طريه...