مهلبية ملونة

المقادير
كوب عصير توت (هتلاقيه في السوبر ماركت) - كوب عصير برتقال - 3 ملعقة كبيرة نشا - ربع كوب سكر - كوب لبن

الطريقة
1-قلبى عصير التوت مع ملعقة كبيرة نشا وقلبيهم مع بعض على النار لحد ما النشا يدوب والخليط يغلي وبعدين صبي الخليط في أكواب وحطيها في الثلاجة لحد ما المهلبية تتماسك
2- حطي اللبن على النار وضيفي عليه ملعقة كبيرة نشا ونصف كمية السكر وقلبيهم مع بعض لغاية ما النشا يذوب وبعد كده ارفعي الخليط على النار لحد ما يغلي مع التقليب بملعقة لغاية ما الخليط يتقل معاكي وبعد كده ارفعيه من على النار ووزعي الخليط على مهلبية التوت بعد ما تتماسك وبعد كده رجعي الأكواب تاني في الثلاجة لحد ما مهلبية اللبن تتماسك
3- ذوبي ملعقة النشا الأخيرة مع باقي كمية السكر في عصير البرتقال وبعد كده ارفعي الخليط على النار مع التقليب المستمر لغاية ما الخليط يبدأ يتقل معاكي وبعد كده ارفعيه من على النار وابدئي وزعيه على أكواب المهلبية
ورجعيها مرة تانية في الثلاجة وسيبيها لغاية ما تبرد تماما وبعدين قدميها ومع تحياتى دعاء عاشورر وبالهنا...