خبز الفوكاتشا الإيطالي

المقادير
كيس خميرة جافة-كوب مايه دافية-2 ملعقة كبيرة زيت زيتون-ملعقة صغيرة ملح-ربع كوب دقيق سميد-4ملعقة صغيرة روزماري-2وتلت تربع كوب دقيق

الطريقة
1-قلبى الخميرة والمايه بمضرب اليد مع بعض وبعدين ضيفي عليهم زيت الزيتون والملح وقلبيهم مع بعض كويس وبعد كده ضيفي عليهم دقيق السميد واستمري بالتقليب لحد ما الخليط يختلط
2-ضيفي عليهم نصف كمية الروزماري وضيفي الدقيق وقلبى كويس مع بعض لحد ما العجينة تتماسك وبعد كده رشي على العجينة نسبة بسيطة من الدقيق وابدأي اعجنيها بإيديكي وبعدين ادهنيها بنسبة بسيطة من زيت الزيتون لحد ما تتماسك (كرري الخطوة دي لو حسيتي إن العجينة محتاجة)
3-حطي العجينة في طبق غويط وضيفي عليها نسبة بسيطة من زيت الزيتون وغطيها ودخليها فرن مطفي لمدة من ساعة إلى ساعتين لحد ما يتضاعف حجمها
4- هاتي صينية وادهنيها بزيت زيتون وبعدين افردي عليها العجينة وغطيها بكيس بلاستيك وسيبيها لمدة من 15 إلى 20 دقيقة
5- شيلي الكيس البلاستيك وادهنيها بزيت زيتون من على الوش وبعدين ابدأي اعملي فيها فتحات بأصابعك وبعدين دخليها فرن مطفي للمرة الثانية لمدة 45 دقيقة أو لحد ما يتضاعف حجمها
6-طلعي الصينية من الفرن ورشي عليها من على الوش باقي كمية الروزماري وممكن طماطم قطع زيتون وادهنيها بنسبة بسيطة جدا من زيت الزيتون وبعد كده دخلي الصينية فرن درجة حرارته 240 درجة مئوية لمدة 15 دقيقة وبعدين طلعيها من الفرن وسيبيها تبرد شوية وقدميها.. وبالهنااااااااااااا...........