كيكة التفاح والقرفة

المقادير
6 ثمرة تفاح-ملعقة كبيرة قرفة-5 ملعقة كبيرة سكر (لخلطة التفاح)-2 3/4 كوب دقيق-ملعقة كبيرة بيكينج بودر-ربع كوب عصير برتقال-ملعقة صغيرة ملح-2 كوب سكر-كوب زيت-4 بيضات-فانيليا

الطريقة
1- اغسلي التفاح كويس وقشريه وقطعيه قطع صغيرة جدا
2- قلبى التفاح مع القرفة والسكر في طبق وغطيهم وسيبيهم على جنب
3- قلبى الدقيق والبيكينج بودر والملح في طبق تانى
4- في طبق تاني قلبى الزيت مع عصير البرتقال والسكر والفانيليا وبعد كده ضيفي الخليط ده على خليط المكونات الجافة وقلبيهم مع بعض وبعد كده ضيفي عليهم البيض واحدة واحدة مع تقليب الخليط كويس في كل مرة
5- هاتي الصينية اللي هتعملي فيه الكيكة وادهنيها بطبقة خفيفة من الزيت أو السمنة ورشي عليها طبقة خفيفة من الدقيق وبعد كده صبي فيها نصف كمية العجينة اللي عملتيها وبعد كده حطّي طبقة من خليط التفاح وبعدين حطي باقي كمية العجينة وفي الآخر ضيفي باقي التفاح وساوي سطح الكيكة كويس
6- دخلي الصينية في فرن ساخن وسيبيها لغاية ما الكيكة تستوي وممكن تتأكدي إنها استوت بانك تغرسي فيها سكينة أو خلة أسنان ولو طلعت نضيفة تبقى الكيكة استوت وبعد كده طلعيها من الفرن وسيبيها تهدى شوية وقطعيها شرائح وقدميها..
وبالهناااااااااااا......