كيكة بكريمة القهوة

مقادير الكيكة
3 بياض بيض-1/ 4كوب سكر-2كوب لوز مطحون-2كوب سكر بودرة

مقاديركريمة الزبدة
2 بياض بيض-1/ 4كيلو سكر-نصف كوب ماء-1/ 4كيلو زبدة-1/ 4كوب نسكافيه مذوب في ماء ساخن

طريقة الكيكة
1-اضربي البيض كويس وحطي معاه السكر تدريجيا على ثلاث مراحل مع الاستمرار في الضرب لحد ما الخليط يتماسك ويبقى عامل زي الكريمة الهشة
2-قلبى اللوز المطحون مع السكر البودرة وقلبيهم مع البيض بهدوء لحد ما يختلطوا كويس
3-هاتي الصينية اللي هتعملي فيها الكيكة وادهنيها بكمية صغيرة من الزبدة وافرشيها بورقة زبدة وبعد كده صبي عليها الخليط
4-دخلي الصينية في فرن سخن على درجة حرارة 180 وسيبيها لمدة 15 دقيقة وعلشان تتأكدي إن تسويتها مضبوطة ممكن تدوسي عليها بصباعك لو لقتيها رجعت تاني يبقى كده استوت بس أهم حاجة إنها ماتبقاش ناشفة
5- لعمل الكريمة
حطي السكر والماية على النار وسيبيهم يغلوا لحد ما يعملوا كراميل طري
6-اضربي بياض البيض كويس أوي لحد ما يبقى قوامه كريمي وبعدين صبي عليه الكراميل وهو سخن مع الاستمرار في ضربه لحد ما الخليط يتماسك
7-استمري في تقليب الخليط وحطي معاه قطع الزبدة تدريجيا على عدة مراحل لحد ما الكريمة تكون جاهزة وبعدين حطي النسكافيه واضربيهم علشان يختلطوا مع بعض وممكن تجيبي أي مكسرات مفرومة عندك وتقلبيها مع الكريمة
9-حطي الكيكة في قالب وشيلي الزيادات منها وصبي عليها الكريمة وافرديها كويس وساويها وبعدين دخليها التلاجة لحد ما تتماسك وممكن تزينيها قبل التقديم بصوص الشيكولاته وقدميها............بالهناااااااااااا............