تكات لحمه - كفته - بوفتيك

‫#‏مطبخ_دعاء_عاشور‬

- اللحمة المفرومة بقت أحلي مع الجزر المبشور ناعم

-الكفته المشويه طعمها حلو قوي بعد ما حطيتلها م ك صلصه

-خدى كمان لما بعمل كباب حلة او شاورمة بعمل فحمة وبحطها على فويل واطشها بنقطتين زيت فى الحلة واغطيى الحلة 10 دقايق ...ودوقى الطعم

- ولما باجى أصبع الكفته بدهنها بمية البصل قبل ماأدخلها الفرن بتبقى خطيرة
بنات بتقول انها لما بتعمل كفته اللحم بالرز فى البيت بتفرفرط منها فى القليه
الاول بنقع الرز مده ساعه او ساعتين وبعدين بجيب الكيتشن ماشين واحط شويه رز افرمهم الاول وبعدين احط عليهم بقى اللحمه والخضره واضربهم فى بعض ولما بقليها بتطلع جميله ومتماسكه وبعدين بعملها بالدمعه

- الكفته المقليه معلقه خل ابيض وشويه قرفه مع البصل والتوابل وطبعا شويه بقسماط كل ده مع اللحم المفروم وبعد كده يتصبع وتغطيه ببيض وبقسماط وتقلي الخل هيخليها تنفش والقرفه هتبقه حلوه جدا! جربي

- البوفتيك قبل ما اتبله بدقة بالدقاقة كةيس علشان ما ياخدش سوا وبحط مع التتبيلة بتاعته معلقتين زبادى علشان ينعم وما يشدش معايا
المشويات لما يتحط عليها لبن وبهارات زعتر - زنجبيل - قرفة بتكون حلوة جدا

-تتبيله اللحمه المشويه
لو هتشويها عالفحم او الشوايه الكهرباء
خل + طماطم مبشوره + معلقتين زيت + فلفل رومي مقطع صغير + فلفل اسود وملح وبهارات لحمه وعصير بصل طبعا كتير يعني حوالي 5 بصلات كده وفي ناس بتحط مسطرده بس انا بحب احط خل اكتر من المسطرده

- الهمبورجر فى البيت طبعا بتنبل اللحمه عادى الجديد بقى اننا بنرش عليها ملح ونقعد نعجنها شويه يعنى نفردها ونلمها وهكذا هتلاقى اللحمه مسكت فى نفسها خالص وبعد كده لما تعمليها اقراص او تقليها عمرها ماهتشقق دى معلومه

-الكفتة احلى لما تقدحة معلقة زيت وترصيها وتهدى عليها وتغطيها هتنزل ميتها وتشربها وكمان هتاخد زيت اقل وبعدين فالنصف فحمة ياسلام ولا كفتة الحاتى

- للكفته المشوية او كفته الحاتي بتبلهاااا عادي وبضيف معاها رغيف عيش فينو منقوع وكماااااان ربع كوب سفن آب اه بجد بيخليها طرية جداا وطبعا في الاخر الفحمة بمعلقة سمنة بلدي البصل عشان نضيع ريحته النفاذة بعد ما اقشره بنقعه في ميه وملح خفيف وخل لما يتقطع مش هنعيط

-الكفته بالرز تطلع معاكي حلوه حطيلها
بقدونس وشبت وكسبرة( حسب الرغبة ) وفلفل اسود وكمون وشطه و 1 بصل و7 فصوص توم وانقعي كوب الرز من بالليل للصبح وياريت تستعملي لحم مفرومة بدل اللحمة الصحيح بيكون اسهل ( نص كيلو ) حطي كله في الكبه لحد ماينعم خالص..