حواوشى كبدة

المقادير
ربع كيلو كبده سليم بدون تقطيع - 2 بصلة مبشورة - ملح وفلفل وبهارات لحمة وتوابلك المفضلة - 2 ملعقة سمن و 4 زيت لتحمير الرغيف بعد تجهيز الكبدة - ماء

الطريقة
هنغلي الماء ف حلة صغيرة و بعد كده نحط الكبده قطعه على بعضها او شرائح كبيرة و بعدين نسيبها تتسلق لمدة 5 دقايق عشان ما تشدش معاكي بعد كده فى الاكل يدوب لونها يغير و اضمن ان الدم مش وجود فيها هنطلعها المياه و نقطعها حتت صغيرة على الكبدة تجهز نكون حمرنا البصلتين المبشورتين فى السمن لحد ما لونه يصفر و بعد كده ننزل عليهم بالكبده بعد تقطيعها و نقلبهم مع بعض لمدة دقيقتين وماء مغلي عشان الكبدة مع البصل يستووا زي فكرة اللحمة المعصجة وننزل بالتوابل والبهارات بتاعتنا و نسيبهم لحد ما المياه فى الكبدة تنشف خالص و لواحتاجت تاني نحط لها مافيش مشاكل اهم حاجة يكون مغليه عشان ما يأثرش فى الطعم والتسوية اول ما المياه فى الكبده تنشف كده يكون الخليط جاهز نجيب عيش ابيض او العيش الي تحبوه و نملا العيش بالخليط كاني بملاه لحمة عشان عمل حواوشي عادي خالص جهزى طاسة او الشواية لو عندك و احط فيها معلقة زيت واخليها تسخن جامد واحط الرغيف يتبصم من الناحيتين و بكده يكون جاهز للاكل ويتقدم مع سلطة خضرا و طحينة ومع تحياتى دعاء عاشور وبالهنا...