طريقة مارشميلو

المقادير
3 اكياس جيلاتين بودرة( انا ما قدرتش الاقي جيلاتين بودرة اكياس فجبته سايب من عند عطار كبير جبت تمن كيلو و رحت حاطه نصه بس )-1.5 كوب سكر سنترفيش-1 كوب شراب جلوكوز ( ده تجيبوه من بتاع الحلويات )-نصف كوب سكر بودرة-نصف كوب نشا-ربع معلقة ملح-1 كوب مياة مثلجة
1 ملعقة فانيليا

الطريقة
1-نقلب السكر البودرة مع النشا في طبق
2-نبطن صينية بورق الزبدة او بالزيت
3-نرش علي الصينية السكر البودرة و النشا بحيث يبقوا بطانة
4-بالمضرب الكهربائي : اضفي الجيلاتين مع نصف كوب ماء مثلج و اضربيهم علي سرعة ضرب هادئة
5- في حلة علي النار نضيف
- النصف كوب المتبقي من الماء
- ربع ملعقة الملح
- كوب و نصف سكر سنترفيش
- 1 كوب شراب الجلوكوز
6-غطيه لمدة ثلاث دقائق
و بعدين شيلي الغطا و سيبيه يغلي لحد لما يغلي غليان جامد و يبقي لونه يبقي ابيض
7-و دي اهم خطوة لانجاح المارشميلو :
اضيفي الخليط السابق بعد غليانه الي الجيلاتين و الماء مع استمرار الضرب بسرعة منخفضة
الاضافة تكون ببطء شديد جدا
العملية بتاخد حوالي دقيقة او دقيقة و نص عقبال ما تضيفي الخليط للجيلاتين و المياة
8-هتعدي تضربي في الخليط علي اعلي سرعة لحوالي ربع ساعة لحد لما هيتقل جدا و هتحسي ان المضرب مش قادر يمشي فيه
9- في الاخر قبل ما تطفي المضرب اضيفي ملعقة الفانيليا
10-بعد الخلط اضيفيه الي الصينية المبطنة بورق الزبدة و السكر و النشا
و حاولي تساوي علي قد ما تقدري بيبقي ملزق جداااااااااا
11-غطيبه بخليط سكر البودرة و النشا
12-غطيه بورقة زبدة تانية و سيبيه ليلة بحالها يمسك
13-في اليوم الثاني قطعيه و حطي القطع في سكر البودرة و بعدين عينيها في علبة لو عاوزة تخليه ملون زي بتاع بره هاتي الوان صناعية من عند العطار و ضيفيه ليهامع اني افضله ابيض بدون الوان صناعية بالهنااااا....