البسكويت المملح

المقادير
3كوب دقيق -نص كوب زيت-4معلقة سمنة-معلقة ملح-بيضة-2معلقة لبن بودرة-معلقة-بيكنج بودر-شوية ماية للعجن
الطريقه
نضرب كل السوائل فى الخلاط
الزيت والماية والسمنة واللبن البودرة والملح والبيضة
ونضرب لحد اللون مايفتح
وبعد كدا هنكون ناخلين الدقيق مع البيكنج بودر هنضيف عليه الخليط السائل اللى كان فى الخلاط
ونعجنه بادينا لحد ماتتكون عجينة مش بتلزق
ممكن نضيف كمون للى بيحب الكمون
وبعد كدا هنسيبه يريح فى التلاجة لمدة نص ساعة
ونفرد العجينة على كيس نايلون وفوقيها كيس ونفردها بارتفاع نص سم
ونقطعها حسب الرغبة ونرصها على الصينية ونعلمها بالشوكة عشان متنفش
وندخلها الفرن حتى تستوى وتقدم مع الشاى ...بالهناااااااااااااا