جدول اكلات

انا كتبت 30 وجبه علشان كل يوم بدل مانسال ناكل ايه نشوف قايمه الاكل ونختارمنهاالى ينفع نطبخه

اولا السلاطات
الى ممكن نختار منها سلطه خضرا- سلطه طحينه - سلطه بابا غنوج - سلطه زبادى - سلطه توميه - سلطه بطاطس بالمايونيز - سلطه بذنجان بالخل والتوم - سلطه باذنجان المخلل - سلطه الطماطم المخلله - سلطه التبوله البنانى - سلطه البطاطس المهروسه - سلطه الكولو سلو - سلطه التونه - سلطه الخرشوف

القايمه
1- ملوخيه - فراخ - صينيه بطاطس - رز
2- كبده او كلاوى - بطاطس محمره - مكرونه
3- سمك مقلى او مشوى - رز - جمبرى او كابوريا
4- سجق بالطماطم - بطاطس مقليه - ممكن بدل السجق لحمه بالبصله شاورمه او فراخ شاورمه
5- سبانخ - لوبيا اوفاصوليا بيضاء - رز - لحمه
6 - مكرونه - فراخ بانيه او لحمه كباب حله او اسكالوب بانيه
7- باميه - بسله او بطاطس صينيه بالجبنه - رز
8- يوم خفيف شويه فول بالطماطم او بالسجق - شكشوكه - بطاطس مقليه
9- صينيه سمك سردين اوبورى سنجارى - رز بذنجان مسقعه
10- مكرونه بشاميل - فراخ او لحمه - شوربه
11- عجه مكرونه - بطاطس مقليه
12- رقاق بالحمه - فراخ - شوربه
13- يوم خفيف خالص جبنه قديمه - فطير فلاحى وعسل
14- محشى ورق عنب - كرنب - فلفل - بذنجان - فراخ انا باسويها مع المحشى
15- فاصوليا خضرا - رز - قلقاس
16- قرنبيط مقلى او مطبوخ - لحمه كباب حله - مكرونه
17- بصاره او عدس اصفر او عدس بجبه - بذنجان مقلى وفلفل مقلى
18- فته بالخل والثوم - لحمه - شوربه
19- كرشه احنا بنحبها وناكلها وفى ناس مش بتحبها - منبار
20- عيش بالحمه الى هو الحواوشى - مخللات
21- رز معمر - شوربه فراخ او لحمه وصنف خضار ملوخيه اوصينيه بطاطس اواى نوع خضار ويا سلام لو بط او حمام محشى اه ياعينى
22- يوم صيفى سريع للاسكندريه ام خلول و سلطه طحينه - بطاطس مقليه -سمك مشوى
23- صينيه جلاش بالسجق او بالحمه المفرومه او بخلطه البيتزا - بطاطس مقليه - شوربه
24 - كفته مشويه - او لحمه مشويه او فراخ مشويه - مكرونه
25- صينيه بطاطس بوريه او بطاطس محشيه بالحمه المفرومه خرشوف محشى بالحمه المفرومه - رز
26 - كشرى مصراوى - دقه مشطشطه
27- سمبوسك - بطاطس مقليه
28- فسيخ انا باموت فيه - بطاطس مقليه
29- رز بالعدس الاصفر - لحمه مشوحه بالبصله وفيه ناس بتاكل الرز بالبيض المسلوق
30- كبسه سعودى بالرز البسمتى تجنن مدسوس فيها فراخ او لحمه
31- كوسه صينيه بالبشاميل - كفته رز

و نيجى بقى ننوع نشوف ايه ممكن نعمله....
يعنى الرز مره بالكارى مره بالشعريه مره حبه وحبه بنى ومره الرز بالجمبرى مره الرز بالطماطم مره رز بالكبد والقوانص مره بالحمه ممكن نزود انواع اكل يعنى مكرونه بالتونة وممكن مكرونه بالمشروم وفيه حاجه اسمها مكرونه مبكبكه دى اكله ليبيه و مكرونه بفواكه البحر ومكرونه بالثوم بيضا ومكرونه بالفراخ- النجرسكو - ممكن نضيف مثلا اكلات تانيه التورلى فيه ناس بتحبه وفيه ناس بتحب الكشك وكفته
الفراخ وكمان نضيف الكانيلونى وشكلي بقى فى اللحمه يعنى مره بفتيك فى الفرن مره اسكالوب مره كفته ع البخار ومره هامبورجر ومره يخنى وكمان الفراخ مره مشويه اومقليه اوصينيه اوبانيه اومخليه اوفراخ فى الجلاش او فراخ بالبشاميل مع مكرونه فرن او فراخ بالزبادى ونعمل كمان كفته السمك ونعمل شوربه السمك والجمبرى وكمان فيه الكوارع وشوربتها وشوربه الفول النابت وشوربه الخضار

**اتمنى اكون ساعدتكم انا كاتبه القايمه دى...