حفظ الدجاج

..علشان الشهر رمضان الكريم...
ممكن تقسمي الدجاج قبل ما تحفظيها
الطيور
لما بتيجي تحفظي الطيور الطازة غير المجمدة بتجيبيها وتغسليها كويس جدا
من جوه ومن بره وبعد كده تسيبيها لغاية لما تنشف وبعد كده تحطيها في أكياس الحفظ الجافة وتتأكدي إنك تفرغي الهوا كله منها
-ولما تيجي تطبخيها بتطلعيها من الفريزر وبتسلقيها على طول مش لازم تستني لما تسيح
-وفيه حركة جامدة جدا ممكن تعمليها وهي إنك تجيبي الدجاج وتخلي الفرارجي يقسمها لك ويخلي لك الصدور علشان تعمليها بانيه
-وبعد كده تاخدي وراك الدجاج وتغسليها وتشيليها في الفريزر
أما صدور الدجاج فبتتبليها وتشيليها متبلة في الفريزر وبكده تبقى جاهزة عندك علشان تعملي بها طبق بانيه محمر مع شيبسي ومكرونة أو تقطعيها لقطع ضغيرة وتعملي بها صينية نجرسكو أو طبق أرز بالدجاج والخضراوات
-ودي طريقة تتبيل البانيه
وهي إنك تجيبي بصلة مفرومة وتحطي عليها ملح وفلفل أسود وبهارات وزبادي وعصير ليمون وخل وبتقلبيهم كويس مع بعض مع عصر البصلة المفرومة علشان تنزل ميتها في التتبيلة وبتحطي كل التتبيلة دي على الدجاج وتقلبيها كويس وتسيبه بالتتبيلة في الثلاجة شوية وبعد كده تقسمي الدجاج المتبل على الأكياس البلاستيك وتحطيها في الفريزر بنفس الطريقة اللي قولنا عليها قبل كده..
...رمضان كريم...