ورقة دجاج ..

#‏مطبخ_دعاء_عاشور‬

المقادير
دجاج حسب عدد افراد الاسره
التتبيله
ملح - فلفل - بصل - كركم وكارى - جنزبيل مطحون - ليمون - معلقتين خل
بطاطس مقطعه حلقات - طماطم وفلفل مقطعين حلقات - عصير طماطم - اربع ملاعق سمنه او زيت او زبده - ورق فويل

الطريقه
اول حاجه دى الدجاج قطعيه وحطى التتبيله و ادعكيها كويس بالتتبيله وسيبها فى التلاجه ساعتين وحطى نصف البصل على الدجاج و النص التانى لما نيجى نلفها فى الفويل وقطعى البطاطس حلقات
هاتى ورق الفويل على قد ربع الدجاج وحطي معلقه سمنه لاحظوا اننا محطيناش اى ماده دهنيه عالدجاج او عالتتبيله وحطي طبقه من الطماطم والفلفل وبعدين حطي البطاطس والملح والفلفل بسيط جدا لاننا حطين عالتتبيله اصلا وممكن تستغنى عن الملح والفلفل فى المرحله وبعدين حطي ورك الدجاجه فوق الخضار وبعدين حطي معلقتين عصير طماطم متكتريش اوى عشان ماينزلش من الورق و يبهدل الدنيا لفيه وبعدين حطي الصدر وهكذا

طريقه التسويه
سخنى الفرن اوى ودخليهم تحت الاول وخرمى الورق بالسكينه وحطي فى الصينيه كوبايه ميه بشويه بهارات صغيرين وبعد ما تستوى ابقى ارفعيهم فوق وافتحى الورق عشان ياخدوا اللون الجراتان او الدهبى فى الاخر فى الفرن  حوالى ساعه ونص وتقدم ومع تحياتى دعاء عاشور وبالهنا...

**ملحوظه
لو الدجاج كبير لازم تقطعي الربع جزئين والا هتغيب اوى فى التسويه فى الفرن وهتاخد وقت كبييييييير جداااااا اوعى تنسى المعلومه..