تورتة التوست

المقادير
باكت توست-نصف كيلو شرائح لانشون أو لحم بارد مدخن-ربع كيلو بطاطس مهروسة-2 ملعقة كبيرة كريمة-2 كوب جبنة كريمي-نصف كوب كاتشاب-ملح وفلفل أسود

الطريقة
1-قطعي حروف التوست البني وبعد كده هاتي قالب كيك وغلفيه بورق بلاستيك
2-وحطي طبقة من شرائح التوست في الصينية وافردي عليها طبقة خفيفة من الكاتشاب وبعد كده رصي عليها شرائح اللانشون وبعد كده حطي طبقة من الجبنة الكريمي وكرري نفس الخطوة مع باقي كمية التوست اللي عندك لغاية ما تخلص
3- اكبسي الطبقات كويس بإيدك وسيبي الصينية على جنب لمدة 10 دقائق وفي الوقت ده قلبى البطاطس المهروسة مع التوابل والكريمة وقلبيهم كويس لحد ما الخليط يبقى ناعم وبعد كده حطي الخليط ده في كيس حلواني
4- ارفعي تورتة التوست من القالب وحطيها في طبق التقديم وبعد كده ادهني كل جوانب التورتة بالجبنة الكريمي
5- زيني التورتة بوردات من البطاطس المهروسة وممكن تقدمي معاها مخلل أو سلطة.. وبالهنااااا.....