بسكويت تاك مملح بالجبنة الرومى

‫#‏مطبخ_دعاء_عاشور‬

المقادير
2 كوب دقيق منخول مع معلقتين صغيرين بكينج بودر - صفار بيضة كبيرة - ربع كوب حليب - معلقتين كبار حليب - ربع كوب جبنة رومي يعني 3 شرايح ونص جبنة رومي مقطعين صغير اووي نفتفتهم بايدينا - 4 ملاعق كبيرة زبدة باردة - معلقتين كبار زيت - معلقة صغيرة ملح
لو مش حابين نعمله بالجبنة الرومي ممكن بالجبنة الشيدر زي المراعي او كرافت او بريزيدون شرايح شيدر
ولو مش حابين برده جبنة شيدر ممكن نخليه بالملح بسس ويبقى بسكوت تاك بالملح

الطريقة
نحط الدقيق والبكينج بودرفي طبق مع الزبدة الباردة والزيت ونفرك الزبدة بايدينا في كل الدقيق عشان يتشربها الدقيق وتكون الزبدة الباردة زي حبات صغننة في الدقيق ونحط الصفار والجبنة الرومي اللي فرفتناها صغير بايدينا والحليب كماان نحطه ونعجن البسكويت كله مع بعضه لمدة 3 دقايق مش كتييير وهتكون العجينة طرية وحلوة
وعالرخامة نرش بسيط دقيق وناخد قطعة من العجين ونفردها كويس بالنشابة سمك يكون مش تخين ولا رفيع اوووي ونجيب العجلة المشرشرة ونساوي اطراف العجينة وممكن سكينة عادي ولما نساويها وتبقى مستطيل متساوي نقطع شرايط بالطوول وبعدين مربعات عشان تبقى بسكوت مملح ونعمل مع بقية العجينة واللي نخلصه نرصه في صينية مدهونة زيت
نخرم البسكوت بخروم عشوائية بالشوكة عشان يبقى شكله زي بسكوت توك وطبعا الخطوة دي بتدي البسكوت هشاشة رهية وبتخليه يفضل بسكويت لاننا لو مش خرمنا البسكوت المملح بالشوكة هينفش بالفرن ويبقى قاااابب ومش حلو وبعد مانخلص تخريم البسكويت بالشوكة ندخل صواني البسكوت المملح توك بالتلاجة لمدة نص ساعة
عشان يبرد كويس اووي لان دي من العجاين اللي لازم تبرد قبل ماندخلها الفرن
عشان تفضل هشة ومقرمشة
ونسخن الفرن حرارة 160 الى 170 حرارة هادية لمدة 5 دقايق بس ونحط الصواني عالرف الاوسط لمدة نص ساعة وطبعا حرارة هادية عشان البسكويت مايتحرقش ويستوي براحته وبعد 25 دقيقة نفتح الفرن نشوف واحدة بسكوت مملح نرفعها من تحت ولونها دهبي وحلو يبقى استوى من تحت نطفي الناار من تحت ونولع الشواية عشان ياخد البسكوت لووون دهبي جمييل ومش بياخد اي وقت ولما يستوي نسيبه تهدى حرارته في الصواني يجي ربع ساعة ويقدم ومع تحياتى دعاء عاشور وبالهنا....