قطايف بالمهلبية

‫#‏مطبخ_دعاء_عاشور‬

المقادير
2/1 كيلو قطايف - كوب لبن - 1/4 كوب نشا - 1/2 كوب سكر - معلقة صغيرة فانيليا - زيت للقلي

الطريقة
1 - فلبي اللبن والسكر والفانيليا والنشا في طبق ودوبيهم مع بعض وبعد كده حطيهم على نار متوسطة مع التقليب المستمر لغاية ما تغلي كويس شيليه من على النار وسيبيه لما يبرد وبكده يبقى عملتى المهلبية اللي هتحشي بيها القطايف
2 - هاتي القطايف واحشي كل واحدة بمعلقة صغيرة من المهلبية في منتصف كل واحدة من القطايف بس خدي بالك إن الحشو ده يكون في وسط قرص القطايف واقفلي قرص القطايف بالضغط عليه بإيدك وخدي بالك إنك تتأكدي من عدم وجود أي حشو ظاهر
3 - وبعد ما تخلصي حشو القطايف كلها هاتي طاسة وسخني فيها الزيت كويس وبعد كده اقلي القطايف على درجة حرارة متوسطة لغاية ما تلاقي لون القطايف بقى ذهبي وشيليها من الزيت وحطيها في الشربات، وبعد كده تطلعيها من الشربات وتحطيها في مصفاة علشان تتخلصي من الشربات الزايد وتقدم ومع تحياتى دعاء عاشور وبالهنا...