صينية القرنبيط بالبشاميل

المقادير
قرنبيط-بصلة مقطعة قطع صغيرة-نصف كوب جبنة رومي مبشورة-ثمرة فلفل أخضر مقطعة قطع صغيرة-نصف كيلو لحمة مفرومة-2 ملعقة كبيرة سمنة-ملعقة كبيرة كمون-ملح وفلفل أسود-2 كوب مياه

مقادير البشاميل
3 كوب لبن-نصف كوب دقيق-2ملعقة كبيرة سمنة-مكعب مرقة دجاج-ملح وفلفل أسود

طريقة البشاميل
1-سيحي السمنة على النار وضيفي عليها الدقيق وقلبي لمدة 5 دقائق أو لغاية ما تلاقي إن لونه بقى دهبي وبعد كده ضيفي عليه اللبن بالتدريج وقلبى علشان الخليط ما يلزقش منك أو يعمل كتل واستمري في إضافة اللبن تدريجيا لغاية ما تحصلي على خليط يشبه الكريمة وبعد كده ضيفي الملح والفلفل ومكعب مرقة الدجاج وسيبي الخليط على النار لمدة 5 دقائق مع التقليب بعد كده اطفي البوتاجاز وسيبيه علشان يبرد
2-عصجي اللحمة المفرومة
شوحي البصل مع السمنة على النار لمدة 5 دقائق وبعد كده ضيفي عليها اللحمة المفرومة والملح والفلفل الأسود وقطع الفلفل الأخضر وسيبيهم على النارتستوى
3- اسلقي القرنبيط
في ميه مضاف إليها ملعقة كبيرة كمون وبعد كده اشطفيه كويس بميه وقطعيه قطع صغيرة وحطيه في مصفاه علشان يصفي أي ميه موجودة فيه
4-قلبى قطع القرنبيط مع نصف كمية البشاميل الموجودة عندك وبعد كده هاتي صينية بايريكس وادهنيها بملعقة بشاميل وابدئي في رص قطع القرنبيط وبعدين غطيها باللحمة المعصجة وبعد كده افردي عليها الكمية الباقية من البشاميل وبعدين حطي عليها الجبنة الرومي المبشورة
5-دخلي الصينية الفرن لمدة ساعة أو لغاية وشها ما يبقى لونه دهبي وبعد كده خرجيها واستني ربع ساعة وبعد كده قطعيها وحطيها في أطباق التقديم.. وبالهناااااااااااا.........