تورتة فواكه

#مطبخ_دعاء_عاشور

المقادير
1/2 كيلو دقيق اسبونش جاهز - 6 بيضات - 1/4 كوب ماء - التزيين حسب الرغبة

الطريقة
فى العجان حطى البيض والدقيق والميه واضربى لمدة 15 دقيقة على سرعة عاليه
لما ترتفع معاكى وتكونى محضرة صينية مقاس 26 ومبطنه بورق زبدة وتصبى العجين فيها وتكونى محضرة الفرن من قبل وتدخل فرن على 180 وماتفتحيش عليها قبل تلت ساعة عشان مش تهبط منك اما تستوى اتركيها بترد تماما وياريت تكون بايته قبلها بليلة فى التلاجة
وبعد كده تساوى الجناب بالسكينه تشيلى الحروف الناشفة وجلسيها بالكريمة وبعد كده تزوقيها كما تشائين ودخلى التورته فى التلاجة تتماسك ماتنسيش تلمعى الفواكه بجيل مخصوص للتورت عشان االفاكهة مش تسود منك
وقسميها تلات طبقات وتكونى محضرة شربات او ميه كمبوت وبللى كل طبقة بالفرشاة وتحطى الحشو كريم شانتيه وتضعى تانى طبقة كررى التلات طبقات وتقدم ومع تحياتى دعاء عاشور وبالهنا...