بطاطس الو تيكي

#مطبخ_دعاء_عاشور

المقادير
1/2 كيلو بطاطس مسلوقة - 3/4 كوب بسلة - بصل مقطع - 1/2 كوب أوراق كزبرة مقطعة - 1 معلقة صغيرة جنزبيل وثوم - 1 معلقة صغيرة كمون - 1 معلقة صغيرة شطة - 1 معلقة صغيرة كزبرة ناشفه - 1/2 معلقة صغيرة كركم - 3/4 معلقة صغيرة ملح - 1/2 كوب دقيق - 1/2 كوب بقسماط - زيت

الطريقة
في طاسه سخني معلقة صغيرة زيت علي نار متوسطة الحرارة ضيفي الكمون و اتركيها ثواني ثم ضيفي البصل المفروم وقلبي جيدا حتي يصبح شفاف ولين وضيفي الجنزبيل والثوم وقلبي لثواني ثم ضيفي البسلة الخضراء ثم ضيفي شطة والكركم و الكزبرة الناشفه وقلبي جيدا وضيفي أوراق الكزبرة المقطعة والملح وقلبيها ثم ارفعي الطاسه عن النار ونهرس البطاطس المسلوقة جيداً ثم ضيفي البطاطس المهروسة إلي خليط البسلة وقلبيهم جيدا
ونشكل خليط البطاطس المهروسة كرات صغيرة ثم هاتي ثلاث اطباق وضعي في الأول كمية الدقيق وضيفي إليها الماء ( خليط للتماسك ) وفي الطبق الثاني ضعي باقي كمية الدقيق الجاف وفي الثالث ضعي البقسماط ونضغط علي كرات البطاطس بيديك أولا ضعيها في خليط التماسك ثم نزليها في طبق الدقيق الجاف ثم البقسماط
ونقلي فطائر البطاطس علي نار متوسطة الحرارة حتي تصبح قشرتها كرسبي و لونها ذهبي وقدميها ساخنة ومع تحياتى دعاء عاشور وبالهنا..