بط بالبرتقال

من طرف duaa الخميس أغسطس 10, 2017 3:44 pm

المقادير
بطه-بصل-2جزره-مكعبات برتقال-قشر برتقال-زيت-ملح وفلفل-ورق لورى-حبهان-مستكه-ريحان-نصف كوب عصير برتقال-معلقة دبس رمان

الطريقة
طبعا البطه نغسلها كويس جدا وبعدين هنجيب بصلتين شرايح وجزرتين مكعبات وبرتقال اسليز وقشر برتقاله مقطع وبعدين معلقه زيت واحده بس وخليته يسخن وبعدين رشيت رشه ملح وفلفل وحطيت ورقتين لورا وفصين حبهان وفصين مستكه وبعدين البطه
ونقلبها فى طاسه واللى هينزل منها هيتعمل منه احلى صوص وبعدين نزلت دهنها الطبيعى مفيش داعى نحمرها فى سمنه كتير وشلتها فى نفس الطاسه مش هنزود اى دهون هنزل بالخضار ونسويه نص سوى ونحط شويه ريحان وهنضيف نص كوبايه عصير برتقال ونغطى ونسيبها خمس دقايق بس وبعدين نحشى بيها البطه من جوه كويس وبعدين نحطها على الخضار المتبقى ونغلفها بفويل وهحطها فى الفرن على 220 لمده ساعتين تقريبا واخدت شويه من الصوص اللى نازل من الخضار والبطه وعصرت عليه برتقاله وحطيت معلقه دبس رمان بدل الصويا صوص لانه بيبقى فى نسبه ملوحه عاليه اوى وسبت الصوص على النار ربع ساعه يغلى وطلعت البطه بعد ساعه ونص وسقيتها من الصوص ودخلتها الفرن تانى بس شلت الفويل وسبتها حوالى نص ساعه عشان تستوى اكتر وتتشوى وتقدم....بالهنااااااااااااا........