ستيك كبده بالطحينة

#مطبخ_دعاء_عاشور

المقادير
1 كيلو كبده بانيه - 3 ملعقه صلصة طماطم - 1 ملعقه شطه - 1 ملعقه كاري - 1 ملعقه كركم - 1 ملعقه ثوم بودر - 1 ملعقه بصل بودر - 1 مرقه دجاج - 3 ملعقه خل آبيض - 1 ملعقه مسترده - ملعقه فلفل آسود - 1 ملعقه كمون - 1 ملعقه جنزبيل بودر - ملح - 1 عصير ليمونه - 3 ملعقه طحينه

الطريقة
هنجيب الكبده و ننقعها في لبن عشان السموم الي بتبقي فيها
وبعد كده هنجيب كل المقادير التدبيله و هنقلبهم مع بعض في طبق
وهنجيب الكبده البانيه ونتبلها ونتركها في التدبيله من ساعتين لتلاته واحنا بنشويها هنحطها بتدبيلتها والكبده دي تفضل تكون قطع كبيره مش صغيره عشان هي كده كده بتكش هي مش هتفرق حاجه في السوى بس هو الشكل مش اكتر وبعد ما تتبل نجيب بقي الجريل او الي بتستخدميه في الشوي و تدهنيه زيت و تحطي الكبده وتخلي بالك منها عشان مش بتستحمل النار الكتيره و في حاله اننا نقعناها في اللبن ينفع نسويها نص تسويه مش هتبقي ضاره خالص

لتحضير الصوص
هنجيب طاسه و نحط فيها الطحينه وملعقتين خل و نزودها مايه سخنه حوالي كوبايه ونظبط ملحها مع رشه فلفل ونقلب حتي يتفل في طبق التقديم بقي نحط الستيك وعلي الوجهه نضع صوص خفيف والباقي في طبق صغيره او طريقه اخري عندما يكون الصوص علي النار نحط فيه الستيك ودقيقتين و يغرف ثم تقدم ومع تحياتى دعاء عاشور وبالهنا..