تسيح الزبده البلدى

‫#‏مطبخ_دعاء_عاشور‬
المقادير
زبده

الطريقة
الاول هنولع النار على اصغر عين ونوطى على اخر حاجه ونحط الحله وفيها الزبده الى هتتسيح فيها ورشة ملح مقدار نصف معلقه صغيره و نقلب بقا لحد ما تسيح خالص والنار موطيها على الاخر وديه اهم حاجه ساحت خالص وانا بقلب هتبتدى تطلع رغاوى زى الصابون كده كثيف على الوش بتفضلى تقلبى بسرعه جدا عشان مش تفور منك مع التقليب المستمر وطول البال الرغاوى ديه كلها بتنزل فى الحله من تحت وهى ديه الى بتكون المورته ولسه لونها ابيض اوى مش استوت وبردو النار لسه زى ما هى وانتى بتقلبى اول ما تحسى ان المورته لونها اصفر شويه اركز اوى عشان متزيدش فى السوى اطفى على طول افضل اقلب فيها بعد ما اتطفت عشان السمنه بتبقى درجة حرارتها عليه جدا وممكن تسوى المورته زياده عن اللزوم بفضل اقلب اول ما اشوف لون المورته بقى دهبى وحلو زى ما انا عايزه اكون مجهزه حله اكبر فيها ميه لحد ربعها وانزل الحله بتاعت السمنه فيها عشان تفقد حرارتها بسرعه وتبرد بس كده بسبها بقا لما تبرد خالص خالص وحطيها فى البرطمان ودخليها التلاجه على طول ولما بتيجى طلعيها بتلاقيها مرمله وبيضا زى القشطه ومع تحياتى دعاء عاشور...