طريقة التوست

المقادير
3 الى 4 أكواب دقيق-1 ونص ملعقه كبيره خميره-1ونص الى كوبين ماء دافيء-2 ملعقه سكر-1 ملعقه صغيره ملح-3 ملاعق زيت-أعشاب أو زعتر على حسب رغبتك ( تتم اضافتهم أثناء عملية العجن)

الطريقة
قلبى الماء مع الخميرة والسكر والملح وبعدها تضيفين الدقيق واعجنى شويه شويه ضيفى الدقيق تصبح عجينه متماسكه
اهم شي انك تاخذين وقت كفايه بالعجن لانك كل ما عجنتي اكثر كل ما صارت العجينه هشه بالأكل وطريقة العجن في انك تضغطين العجينه كأنك تفردينها وبعدين تلفينها وهكذا
تتركينها ترتاح مدة ساعه الى ساعتين - حسب الجو في مكان وتكونين مغطيتها طبعا
بعدها تفردينها وتلفينها واهدنى القالب و تتركينها ترتاح مدة 15 - 20 دقيقه
تمسحين الوجه اما بالماء اذا كنتي تحبين السطح ناشف او الزبده او البيض اذا كنتي تحبين السطح رطب ولين
لكن وانتي تمسحين حطي بالك لا تضغطين حيل على العجينه حتى ما تهبط وتدخلينها الفرن حراره متوسط الى حار - تقريبا 180 درجة لمدة 20 - 30 دقيقه وبعدها تشعلينها من فوق عشان يتحمر. تتركينها تبرد تماما وبعدين تقطعينها بالسكين بالهناااااااااااااااا....