طاجن القرنبيط باللحمة المفرومة والبشاميل

من طرف duaa السبت فبراير 18, 2017 6:09 pm

المقادير

ثمرة قرنبيط كاملة - نصف كيلو لحمة مفرومة - ملح وبهارات وفلفل أسود - بصلة - زيت أو سمن - بيضة

مقادير البشاميل

نصف كوب زيت او سمنه - 5 ملاعق دقيق كبيرة - نصف كيلو لبن

الطريقة

1 - قطعى القرنبيط ونفككه من بعضه ونغسله وبعد كده نسلقه

2 - عصاج اللحمة المفرومة

نفرم البصله ونشوحهم في زيت أو سمن لغاية ما لونها يبقى ذهبي ونضع اللحمة المفرومة والتوابل وكوب ماء صغير ونسيبها لغاية ما اللحمة تشرب ميتها وتتعصج

3 - نعمل البشاميل

نضع الزيت وعليه الدقيق ونقلبهم شوية وبعد كده نحط اللبن مع التقليب المستمر علشان الدقيق ما يكلكعش منك في اللبن وتستمري في التقليب لغاية ما تحسي إنها تقلت معاكى ولو حبيتي تخفيفها لو تقلت منك أوي ممكن تحطي شوية شوربة

4 - نجيب صينية او طاجن ونضع فيها شوية زيت ونضع نصف القرنبيط بعد ما نقطعه قطع صغيرة وبعدين نحط عليهم شوية بشاميل ونقلبهم كويس ونفردهم تاني في الصينية

5 - ونضع عصاج اللحمة فوقيهم وبعدين نرص باقي قطع القرنبيط

6 - ونغطي وجه الصينية بباقي البشاميل كله

7 - ونضرب البيضة كويس ونحط عليها فلفل أسود وبعدين نحطها على الوجه علشان يحمر

8 - ضعى الصينية في فرن متوسط الحرارة ونتابعها لغاية ما نتأكد من إن الوجه أحمر ويقدم وبالهنااا...