طاجن مكرونة فى الفرن

#مطبخ_دعاء_عاشور

المقادير
نصف كيلو مكرونة اقلام - ربع كيلو لحمة متعصجة ( لحمة مفرومة وبصلة و شوية زيت و ملح و فلفل و بهارات ) - نصف كيلو طماطم - توم - 3 معالق صلصة

الطريقة
نضرب الطماطم فى الخلاط وبعدين نحط فى طاسة شوية زيت او سمنة وننزل التوم المدقوق يصفر شوية وننزل عليه الطماطم وتبليها ملح وفلفل وشطة وبهارات وملح كويس عشان حتستوى فيها المكرونة و هيا فى الفرن نصف تسبيكة يعنى تبقى لا سايلة ولا تقيلة نص نص
جيبي 3 معالق صلصة وضيفيهم للحمة المتعصجة وجيبي الصينية وادهنيها زيت خفيف و حطى اللحمة وبعدين نصف كمية المكرونة من الكيس للصينية ما تستغربيش المكرونة نية و ما تخافيش حتستوى وحطى نصف كمية الطماطم و وزعيها للمكرونة كلها و للجناب كويس بعدين بقية النصف كيلو بعدين بقية الصلصة وغطيها بفويل ( مهم جداااا ) ودخليها فرن على 200 وبتاخد نصف ساعة وتطلعيها تقلبيها وتقدم ومع تحياتى دعاء عاشور وبالهنا...