تارت البلح

المقادير
2كوب دقيق-1/2 كوب سكر-1/2كوب سمن سايحه-2 بيضه-فانيليا-ملعقة بيكنج بودر-كوب زبادى-ربع كيلو بلح

الطريقه
بتضيفى المقادير كلها على بعض وبعدين نضربهم بالمضرب كويس او ممكن تعجنى بايدك لان العجينه هتكون يابسه شويه انا لقيتها ناشفه ومش راضيه تتعجن كويس فضيفى معلقتين لبن بالظبط وبعد كده تقعدى تعجنيها بايدك وتلمى العجينه كويس
وبعدين تقسمى العجينه ربع وثلاثة اربع وتفردى الثلاثة اربع فى صينيه مدهونه سمنه وبعدين تضغطى بصوابعك على حرفها عشان يكون ليها حروف تجيبى بقى البلح تفصصيه وتفرديه فوق العجينه كده فاكره ربع العجينه اللى سيبناه على جنب
تزودى عليه معلقتين دقيق وتعجنيها تانى عشان نبرمها ونعملها صوابع او بلاش اللى يعجبك وبعدين نقعد ندخل كل واحده تحت التانيه بالاتجاه العكسى كده اللى صوابع المبرومه من العجينه علشان يديك شكل الشبكه على البلح وتدخليها الفرن متوسط الحراره يعنى 180 نصف ساعه وتقدم...........بالهناااااااااااااااا..........