تحضير شنطة المصيف

-الملابس
خدي في إعتبارك الفترة اللي هتقضيها في المصيف والأنشطة اللي هتقومي بيها أو الأماكن اللي هتروحيها لأن ده هيساعدك في إختيار الملابس اللي هتحتاجيها معاكي وكميتها
خدي ملابس ممكن تليق على كذا حاجة زي البنتالونات الجينس والألوان المحايدة
إختاري هدوم عملية وبتستحمل ماتتوسخش بسرعة أو ماتكونش عرضى للقطع بسهولة
يفضل تاخدي هدوم مش بتحتاج مكوى إفتكري إن أهم حاجة إنك تستريحي وتتفسحي
كتري من الهدوم اللي بتحتاجي تغيري فيها كتير (زي الملابس الداخلية) عشان ماتحتاجيش تغسلي إلا في أضيق الحدود
-بالنسبة للجزم
بأقترح إنك تاخدي جزمة (أو إتنين) تكون مريحة وعملية وتليق على هدوم كتير ماتنسيش تاخدي سابوه للبحر وممكن تلبسيه كمان في البيت
-الشنط
ممكن تاخدي واحدة حجمها وسط وواحدة صغيرة وطبعا ده على حسب إحتياجاتك وأكرر الألوان المحايدة هتريحك
-لوازم البحر
هدوم خفيفة وبتنشف بسرعة
شنطة قماش تحطي فيها حاجاتكم وأنتم رايحين البحر
بونيه ومايوه وأدوات السباحة وألعاب الأطفال
-للوقاية من الشمس مهم جدا
نظارة شمس-كريم للوقاية من الشمس- برنيطة كبيرة
-إحتياجات الحمام
الكريمات والشامبوهات
خدي الضروري منها فقط ولو قدرت إنك تفضي من العبوات الأصلية في عبوات صغيرة تاخديها في سفرك هيكون كويس جدا
فرش ومعجون الأسنان
فوطتين كبار للإستحمام والبحر
-أدوات التجميل والإكسسوارات
خدي الماكياج الضروري بس لا يفضل إنك تحطي ماكياج وأنت رايحة على البحر عشان مايؤذيش بشرتك في الشمس والحر
وحاولي ماتقضيش وقت كبير في الماكياج لأنك رايحة تتفسحي وتغيري الروتين
ماتكتريش من الإكسسوارات وماتاخديش حاجات غالية زي الدهب مثلا
-فرشاة الشعر
ودي حاجات تانية مهمة
شاحن الموبايل
أي علاج بياخده حد من أفراد الأسرة ممكن تاخدي برضه مسكن ومهضم وخافض حرارة للإحتياط
بكر خياطة (أسود وأبيض وبيج مثلا) وإبرة-دبابيس مشبك
مكواة رحلات
صحيح يفضل ماتكويش كتير بس يمكن تحتاجيها
لزوم الهوايات
كتاب لو بتحبي القراءة أو إسكتش لو بتحبي الرسم أو نوتة وقلم لو بتحبي الكتابة الجلوس أمام البحر ملهم
-وأخيرا إكتبي الحاجات اللي هتاخديها في ورقة وعلمي كل حاجة تحطيها في الشنطة...