الانجليش كيك

المقادير
نصف كيلو دقيق- نصف كيلو زبده-نصف كيلو سكر بودره
10 بيضات-معلقه فانيليا-1 باكو بيكنج بودر

الطريقه
فى العجانه بحط الزبده وتكون فى درجه حراره الغرفه يعنى تكون متماسكه ومش جامده فى نفس الوقت مع السكر البورده وبشغل عليهم على المضرب لحد متهش معانا وبعد كده هحط بيضه بيضه على الخليط ده وهكون مهدى المضرب على درجه واحد وانا بحط البيض وبعدين هحط الفانيليا وهعلى المضرب تانى بعد كده هضيف الدقيق مع البيكنج بودر ومش هنزل بيه مره واحده لا انا هنزل بيه شويه شويه على الخليط ده لحد ما العجينه تتماسك وبتكون شبه الكريمه ولكن لونها بيكون مايل للاصفرار بعد كده فى قوالب الكيك اللى بتكون مجهزه عندى على فكره الكميه دى تعمل 3 قوالب من الكيك هدهن القوالب بزبده واحط خليط الكيك فيها وعايزكم تاخدوا بالكم انى مش املى القالب للاخر يعنى 3|4 القالب والربع الباقى يكون فاضى عشان الانجليش كيك بيعلى وبدخله الفرن على درجه 180 لمده ساعه وممكن طبعا لو عايز اعمله شيكولاته ازود حوالى 50 جرام من الكاكاو البودر على ربع العجينه بعد متتعمل واصبه مع العجينه بتاع الكيك فى القالب وهيعمل معاكى شكل جميل بعد متقطعيه وبالهنااااا...