قصة سامي و الاكلات الغير صحى

‫#‏قمر_البيت_لكل_ست_بيت

كان يا مكان كان فيه ولد صغير عنده 8 سنين اسمه سامي
سامي كان ولد شاطر وبيعمل الل ماما بتقول عليه بس مكانش بيسمع كلام ماما لما تقوله بلاش يا سامي تاكل شيبس وحلويات كتيره لانها مش مفيده وكتره الاكل منها بتجيب امراض وحشة بس سامي يا ولاد مكانش بيسمع الكلام خالص وبرضو يفضل ياكل الشيبسي والحلويات كتير ومش بيرضي ياكل الاكل الصحي خالص زي الخضروات والفاكهة والبقوليات
ماما كانت دايما تقوله :يا سامي يا حبيبي لازم تاكل خضروات وفاكهة كتير وتشرب اللبن كل يوم الصبح لانهم بيخلوا جسمك قوي وصحي
وبرضو يا اولاد سامي ميرضاش يسمع الكلام خااالص ويفضل برضو ياكل الشيبسي والحلويات
في يوم من الايام يا اولاد سامي وقع من طوله وفضل يصرخ بصوت عالي اوي
ماما تجري عليه وتقوله مالك يا سامي يا حبيبي سامي يقولها ماما بطني بتوجعني اوي اوي يا ماما وكمان سناني بتوجعني اكتر تروح ماما واخده سامي عند الدكتور
والدكتور يكشف علي سامي وسامي خاااايف خالص وبيترعش من الخوف والدكتور يقول سامي بياكل حلويات وشيبسي كتير وبطنه جالها مغص من كتر الحلويات و فيه شويه من سنانه سوست من كتر اكل الحلويات وتقول ماما انا دايما بقول له الكلام ده وهو مش بيسمع الكلام ومن اليوم ده يا ولاد سامي بيحافظ علي صحته وبياكل فاكهة وخضروات وبيقلل من اكل الحلويات والشيكولاتة والشيبسي لان كترهم بيضر صحتنا وتوته توته خلصت الحدوته..