وزة محشيه بحشوه جديده

المقادير
وزه متوسطة الحجم - صدور دجاج مقطع قطع صغيره ومتبل بالبصل والملح والفلفل الاسود - لحمه مفرومه ولحم بتلو مقطع قطع صغيره - كبد وقوانص وقلوب مغسول ومتبل بالبصل والملح والفلفل الاسود - كوب بسله وجزر- كوب برغل مغسول ومنقى ومنقوع لمدة 12 ساعه مضاف اليه كوب ارز مغسول ومصفى - 2 بصله مبشوره - ملح وفلفل اسود وشطه - 4 ملعقة سمن - ملعقة زبده ملعقة صلصه

الطريقة
اغسلى الوزه غسل جيد بالماء و الملح والخل والدقيق ونضع السمن فى طاسه على النار ثم نضع البصل المبشور ونضع على البصل الملح والشطه والفلفل الاسود ونضع عليه الكبد و القوانص ونشوح بسرعه ونضع الرز والبرغل على الكبد والقوانص والقلوب ونشوح ونحضر طاسه اخرى ونشوح بها صدور الدجاج ونضع عليه اللحم المفروم والللحم البتلو المقطع ونشوح ونضع البسله والجزرالمسلوقين نصف سلقه ونضيف الخليطين على بعض ونحشو الوزه نم نحضر ابره وو خله وونثقبها فى انحاء مختلفه حتى يدخلها الماء ويساعد على سوى الحشو ونلف الوزه فى ورق فويل وممكن تخيطى الوزه بالابره والفتله او ممكن بخله براحتك خالص كمان ممكن تخذى رقبة الوزه الطويله بعد ماقطعتها من الوزه حشيتها حطيها تتسلق
بورق فويل مع الوزه
ونضع الوزه فى حله بها ماء مغلى مع طماطم وبصل وممكن كرفس وورق لورا وحبهان حسب الرغبه وبعد ماخرجت حطي عليها ملعقة الصلصه والملح والفل الاسود والزبده ودخليها الفرن علشان تتحمر وبعد ما احمرت هاتى قطعه من الفحم على النار حتى احمرت ثم وضعيها وفى طبق وضعى عليه ملعقة سمن وحطي الطبق جنب الوزه وغطيهم لمدة ربع ساعه
ملحوظه
طبعا الحشو كتير بمقادير اكبر علشان تسوى الباقى على النار وضعيه تحت الوزه وحواليها تبقى حلوه فى التقديم وتقدم مع تحياتى دعاء عاشور وبالهنااا...