سبرينج رولز بحشو الفراولة والشكولاتة

المقادير
باكت سبرينج رولز ( هتلاقيه في أي سوبر ماركت كبير ) - ربع كيلو شكولاتة خام مذوبة على حمام مائي ساخن - نصف كوب مكسرات مفرومة ( أي نوع تحبيه ) -نصف كيلو فراولة مقطّعة مكعبات صغيرة - زيت للتحمير

للتزيين
آيس كريم بالفانيليا أو الشكولاتة - صوص شكولاتة

الطريقة
1 - قلبى الفراولة مع الشكولاتة والمكسرات
2 - حطي كمية مناسبة من خليط الفراولة و الشكولاتة والمكسرات على شريحة من السبرينج رولز ولفيها واقفليها كويس جدا من كل الأطراف وكرري نفس الخطوة لغاية ما شرائح السبرينج رولز اللي عندك تخلص كلها أو على حسب الكمية اللي إنتي محتاجة لها
3 - اقلي لفائف السبرينج رولز في زيت ساخن لغاية ما لونها يبقى دهبي أو رصيها في صينية وادهني وشها بطبقة خفيفة من الزيت ودخليها الفرن وسيبيها لغاية ما وشها يحمر
4 - وفي الآخر قدميها ومعاها بولة آيس كريم بالفانيليا أو بالشكولاتة وزينيها بصوص الشكولاتة وبالهنااا.