حل مشكلة مص الاصابع عند الاطفال

-هنبتدى بالحاجات اللى هنعملها بالنهار....
اول حاجة متخليش طفلك يبقى جعان لو هو بيحطها فى حالة الجوع بس
ثانى حاجة انة لما يحط صباعة فى بقة اثناء النهار هتطلعية من بقة براحة خااالص وانتى مبتسمة وتضحكى معاة وتلعبية انتى بايدة وتمسكية حاجة فى ايدة يلعب بيها بدل ماهو حاططها فى بقة وتلعبى معاة وتفضلى على كدة طول اليوم لو حط ايدة تانى
-نيجى بقة لبليل او لما الطفل ييجى يحط صباعة علشان ينام...
هتطلعى ايدة براحة وترضعية بدل صباعة لحد ما يروح فى النوم ولو بدأ يحطها تانى وهو نايم معلشى هتتعبى شوية وتشيلى ايدة وترضعية برضو وتفضلى كدة طول الليل لمدة كام يوم مثلا او اسبوع الموضوع دا هيبقى متعب شوية بالليل بس معلشى خلى الطفل ينسى الموضوع دا لانة لو كبر هيبقى الموضوع اصعب بكتييير
-طب لو ابنك بقة كبر على الموضوع دة يبقى الحل هيكون كالتالى
انك تعرفى سبب المشكلة الاول وتحلية يعنى هل سبب نفسى ولا عدم احتواء وشعور بالامان
ممنوع تماما العنف مع الطفل يعنى مفيش ضرب نهائى
مينفعشى تقوليلة قدام اى حد انة يشيل صباعة لان دا هيأثر على نفسيتة
حاولى تتفاهمى معاة براحة خاالص وتقوليلة ان كدة غلط ومينفعشى
استخدمى معاة نظرية الثواب والعقاب بس من غير ضرب
ممنوع تحطى للطفل على ايدة مر او شطة او اى حاجة من الحاجات دى غلط علية كدة
كمان حاولى تتجاهلى الموضوع شوية لانة ممكن يكون بيحطة علشان يلفت انتباهك ويأخد اهتمامك
ياريت تقربى منة وحاولى تحسسية بالحب والاحتواء
ممكن تقوليلة يمص صباعة فى اوضتة بس ممكن الموضوع يقل
فى الاخر بقة لو عملتى كل دة ومفيش نتيجة وتعبتى خاالص ممكن تستشيرى دكتور
بس ياريت نلحق الموضوع فى الاول لان مص الاصابع فى بداية ظهور الاسنان بيسبب تشوه الاسنان وكمان عادة المص نفسها بتقلل شهية الطفل فميرضعشى كويس....