دجاج كورما الهندى

‫#‏مطبخ_دعاء_عاشور‬

المقادير
1/2 كيلو صدور دجاج مخلية مقطعة قطع صغيرة - ثوم مفروم - ملح - معلقة صغيرة فلفل اسود - 1 معلقة كبيرة جارام ماسالا - 1 معلقة صغيرة كمون - معلقة صغيرة حبهان مطحون- بصلة مفرومه ناعم - 1 كوب حليب جوز الهند - 1 معلقة كبيرة صلصة طماطم - 1 معلقة كبيرة نشا - 1 كوب زبادي - معلقة كبيرة جنزبيل مبشور- 1/2 معلقة صغيرة شطة - 1/2 معلقة صغيرة قرنفل مطحون - 1/2 كوب لوز مقطع شرائح ومحمص - 1/4 كوب ماء بارد

الطريقة
هننقع قطع الدجاج فى الزبادى وهنضيف عليه نصف كمية البهارات ما عدا الملح والفلفل ونقلبه كويس ويترك فى التتبيلة ساعتين على الأقل فى الثلاجة
فى حلة صغيرة على النار هنضيف زيت وهنضيف باقى البهارات ما عدا الملح والفلفل ونقلبها كويس وبعد كده هنضيف الثوم والبصل والجنزبيل المبشور وهنقلبهم كويس فى الزيت لمدة دقيقتين
هنضيف الدجاج المنقوع بالزبادى ونقلب كويس لحد ما الدجاج يستوى هندوب النشا فى ربع كوب ماء بارد ونضيفه على الدجاج وهنضيف كمان حليب جوز الهند ومعلقة صلصة طماطم واللوز المحمص والملح والفلفل وهنقلب الخليط ونسيبه يغلى لمدة دقيقتين هنزين دجاج بالكزبرة الخضراء ويقدم ومع تحياتى دعاء عاشور وبالهنا..