فرش بيت العروسة

*ونبدأ بحجرة النوم
-زى رص الدولاب
وطبعا احرصى انك تقسمى الدولاب بالعدل بينك وبين زوجك يعنى هو ربع وانتى تلات ارباع نظرا لان حاجتك كتيره عنه طبعا
وبفوطه نظيفه كده امسحى ارفف الدولاب
هاتى بقى رول المفارش وقسميها على ارفف الدولاب وكرريها وقصيها مره واحده يعنى تاخدى مقاس رف واحد وتحطى عالرول كزا مره لحد ما تقصى العدد المطلوب وافرشيها بقى وابدأى فى الرص وانتى وزوقك فيه
وانا افضل ان ملاياتك وكوفرتاتك تكون فوق
اما هدومك والفوط تكون قريبه لايدك اما البطاطين واللحاف والمفارش بتوعك حسب مساحه دولابك لو اخدها ماخدش يبقى تحت السريراو فى دولاب اوضه الاطفال لو جايباها وكمان احرصى على تعدد الالون فى الرص يعنى خليه شكله مبهر لما جوزك يفتح الدولاب كده

-اما بالنسبة للشوفنيرة اللى بتيجى مع اوضة النوم
ممكن
نستخدمها لرص شويه حجات خفيفه زى شرابات جوزك ممكن طرحك ومن تحت كمان ممكن تستغليهم ف التخزين وممكن تحطى عليه من فوق تلفزيون صغير ويبقى زى مكتبه ف اوضه النوم

-ندخل بقى عالتسريحه
امسحيها وامسحى المرايا بملع اللى جبناه وافرشي مفارشك ورصى الميك اب وحاجتك فيها واحرصى على تنوع الحجات اللى بترصيها مش الكميه
يعنى لو جايبه علبتين ايشادو كبار مش لازم تحطى الاتنين كفايه واحده وكذلك لو جايبه اقلام تحديد او كحل مش لازم نرص كله هو مش معرض
واعرفى دايما ان الرقه مطلوبه ادراج التسريحه كمان استغليها ف رص باقى الميك اب وادوات عنايتك الشخصيه واى متعلقات ليكى او له وكمان عندك
الكوميدينو ممكن نستغله ف تخزين اى حاجه ومن فوق طبعا هنمسحه ونفرش المفارش و على مزاجك تحطى اباجوره او متحطيش حسب ذوقك

-مفرش سرير
يعنى يتفرش قبلها بيوم او يومين بالكتير عشان المفرش مش يتبهدل
وكده خلصنا رص اكنسي الاوضه وامسحيها اما فرش مشايات النوم او السجاد كمان خليها قبلها بيوم او اتنين وكده خلصنا من اوضه النوم...