ملوخية بصدور دجاج فيليه

‫#‏مطبخ_دعاء_عاشور‬

المقادير
صدر دجاج مخلى فيليه صحيح مقطع مكعبات كاللحم - بصلة كبيرة - ثمرة فلفل رومى - قرن فلفل اخضر حامى - ربع كوب خل - طماطماية - ملح وفلفل وبهارات وملح وورق لورا - 1/2 كيلو ملوخية - معلقة كبيرة ثوم مهروس - معلقة كبيرة سمن - معلقتين صغيرين كزبرة ناشفة

الطريقة
نقشر البصلة ونقطعها ثم نضربها فى الخلاط مع الخل والملح والتوابل ونقطع صدر الدجاج الفيليه فى حلة ونصب عليه الخلطة ونقلبهم كويس ونضعهم فى الثلاجة 3 ساعات
نزود ماء او شوربة عندك فى الحلة ونقطع فيها الطماطماية اربع ارباع ونضعها على النار وقبل ما تبدأ تغلى نوطى عليها أقل درجة ممكنة ونتركها مغطاه نصف ساعه الملوخبة نسقطها فى الحلة على النار الهادية جدا
ونحمر الثوم المهروس فى طاسة مع السمن ولما يحمر نقلب فيه الكزبرة الناشفة ثم نأخد مغرفة ملوخية ونضعها فى الطاسة ثم نقلبهم ونصبهم فى حلة الملوخية قبل ان تدخل الملوخية فى الغليان نطفى النار لا نسمح للملوخية ابدا بان تغلى وتقدم ساخنة مع مكعبات الدجاج الفيليه وسلطة خضراء ومع تحياتى دعاء عاشور وبالهنا..