كوسه بالحمص صيامى

المقادير
كيلو كوسة - ربع كيلو حمص - بصلة مقطعة قطع صغيرة - 5 فصوص ثوم مفروم - حبة فلفل أحمر مقطعة قطع صغيرة - 3 كوب عصير طماطم - زيت - ملح وفلفل

الطريقة
1-هاتى الحمص واغسليه كويس وبعد كده انقعيه لمدة ساعتين في الماء بعد مرور الساعتين اغلي الحمص في الماء كويس لغاية ما يستوي وبعد كده صفيه من الماء
2-والكوسة اغسليها كويس وبعد كده قطعيها شرائح
3-سخني الزيت على النار وبعد كده ضيفي إليه البصل وقلبيه كويس لغاية ما لونه يبقى ذهبي لما تلاقي إن البصل لونه بقى ذهبي ضيفي الثوم المفروم وقلبيهم مع بعض لمدة خمس دقائق وبعد كده ضيفي إليهم عصير الطماطم والفلفل الأحمر وسيبيهم لمدة ربع ساعة على النار مع التقليب من وقت لآخر
4-بعد مرور ربع ساعة ضيفي الكوسة والملح والفلفل والحمص وسيبيهم على النار لمدة ربع ساعة أو لغاية ما تلاقي إن الحمص والكوسة استوى ممكن إنك تضيفي مايه لو حسيتى إن الأكل قوامه سميك
5-بعد ما الكوسة تستوي اغرفيها في أطباق التقديم ممكن مع الطبق ده إنك تعملي طبق أرز بالشعرية أو أرز أبيض وبالهنااا.