أرز بالبشاميل والكبدة (جديييييييييد)

المقادير
2 كوب أرز-ربع كيلو كبدة فراخ-بصلة صغيرة مفرومة-2ثمرة فلفل ألوان مقطع شرائح-كوب زيتون مقطع شرائح-4 ملعقة كبيرة زبدة-2 فص ثوم مفروم-2ونصف كوب مايه-مكعب مرقة دجاج-نصف ملعقة صغيرة قرفة-نصف ملعقة صغيرة بهارات-نصف ملعقة صغيرة جوزة الطيب-كوب جبنة رومي مبشورة-ملح وفلفل

مقادير البشاميل
3 ملعقة كبيرة دقيق-2 ملعقة كبيرة زبدة-نصف كيلو لبن

الطريقة
1-شوحي البصل والثوم في الزيت وبعدين قطعي الكبدة قطع صغيرة وحطيها مع البصل
2-سيبي الكبدة على نار عالية لحد ما تغلي وتنزل ميتها وبعدين تشربها تاني وقللي النار وغطي الحلة وسيبيها تستوي على نار هادية
3- قبل ما الكبدة تستوي ضيفيه عليها الفلفل وبعدين ضيفي الزيتون وتبليها بالملح والفلفل والبهارات والقرفة وجوزة الطيب
4- في الوقت ده اسلقي الأرز بإنك تحطي مايه على النار لحد ما تغلى وبعدين حطي فيها ملح وملعقتين زبدة ومكعب مرقة دجاج وبعدين حطي الرز بعد ما تغسليه كويس
5-سيبي الرز على نارلحد ما يتشرب المايه وبعدين هدي النار أوي وغطي الحلة وسيبيها لحد ما الرز يستوي
6- في الوقت ده اعملي البشاميل وده بإنك تقلبى الدقيق مع الزبدة وتقلبيهم على النار لحد ما الدقيق يبقى لونه دهبي وبعدين صبي عليه اللبن وقلبيه بسرعة علشان الدقيق مايعملش كتل والصوص يبقى ناعم وتبليه بالملح والفلفل ومكعب مرقة دجاج ولو حسيتي إن الصوص بقى تقيل ممكن تزوديه شوربة أو لبن لحد ما يوصل للسّمك اللي إنتي عايزاه
7-بعد كده رصي كل المكونات في القالب وحطي طبقة أرز في الأول وبعدين حطي الكبدة وبعدين طبقة تانية من الأرز وبعدين حطي البشاميل في الآخر ورشي عليه الجبنة ودخليه الفرن لمدة 20 دقيقة أو لحد ما وشه يحمر.....ويقدم........بالهناااااااااااا............