دجاج مشوي بالزبادي والاناناس

‫#‏مطبخ_دعاء_عاشور‬
المقادير
2 معلقة كبيرة عصير (أناناس بدون سكر) - 2 عدد صدور دجاج مخلية - 1 معلقة صغيرة بابريكا - 1معلقة كبيرة زيت - رشة ملح - شطه -1 ليمونة (معصورة) - نصف كوب زبادي

الطريقة
بعد ما نغسل الدجاج كويس نشق الصدر من الجنب بحيث نفتحه على شكل قلب ونحطة في كيس بلاستيك وندقدق عليه بالراحة لحد ما يتفرد حبة يبقى سمكه حوالي 1.5 أو 2 سم ونحط الدجاج وعليها باقي المقادير في كيس ونقلب بحيث نضمن ان كل المقادير اتخلطت مع بعض وغطت الدجاج كلوه ونسيبها في التلاجة على الأقل 4 ساعات
لو عندك شواية فحم حط الدجاج عليها لمدة حوالي7 - 8 دقايق على كل جنب سيبها لحد ما تستوي و معندكش شواية فحم أو كهرباء ممكن تسخن طاسة مسطحة وتمسحها بقطنه فيها زيت وتحط الدجاج برضو لحد ما تستوي زي ما تحب وعشان تاخد طعم الشوي ولع فحمة على البوتجاز وحط الدجاج في حلة ومعاها طبق صغير فيه معلقة زيت وحط الفحمة في الطبق ده وغطي الحلة كويس عشان تخلى الدخان بتاع الفحم يتغلغل في الدجاج ويقدم ومع تحياتى دعاء عاشور وبالهنا...