بواقي الدجاج
:: وصفات الطبخ :: أكلات طيور :: دجاج
صفحة 1 من اصل 1
بواقي الدجاج
-اعملي بها سلطة..ممكن تقطعي بواقي الدجاج وتضيفي عليها مكونات السلطة وتعملي طبق سلطة خضراء بالفراخ وتقدري كمان تضيفي قطع الدجاج على سلطة الكول سلو
-وممكن تعملي سلطة الدجاج بإنك تضيفي عليها خليط من المايونيز وعصير الليمون والفلفل الأسود والكرفس واللوز المحمص
-دخليها مع الصواني.. ممكن تستخدمي قطع الدجاج الباقية وتضيفيها مع صواني النجرسكو والأرز بالبشاميل وكمان تقدري تحطيها على البيتزا أو تحشي بها السمبوسة
-اعملي طاجن الدجاج بلسان العصفور.. ممكن تشوحي قطع الدجاج مع بصل مفروم وتحطي عليها لسان عصفور محمر وتقلبيهم مع بعض وبعد كده بتضيفي عليهم شوربة وعصير طماطم وسيبيهم على النار لغاية ما يغلوا وبعد كده حطي كل المكونات دي في طاجن وقطعي على الوش شرائح طماطم ودخليه الفرن
- أبدعي بها مع البطاطس.. ممكن تفرمي قطع الدجاج المسلوقة الباقية عندك وتشوحيها مع شوية بصل وتحشي بها البطاطس بدل اللحمة المفرومة أو تقلبيها مع البطاطس المهروسة وتعملي من الخليط ده أقراص وتغمسيها في بيض مع ملح وفلفل وبعد كده قلبي الأقراص دي في البقسماط وبعد كده اقليهم في الزيت
- ضيفيها مع شوربة العدس.. طبعا هتستغربي أوي لأننا مش متعودين إننا نضيف الدجاج مع العدس لكن بجد لو جربتيه هتلاقي طعمه تحفة لأن قطع الفراخ هتضيف نكهة حلوة وجديدة للعدس وكمان هيبقى طبق متكامل ومغذي جدا وكل اللي عليك إنك تضيفي قطع الدجاج المسلوقة المتبقية عندك على شوربة العدس قبل ما تطفي عليها......
:: وصفات الطبخ :: أكلات طيور :: دجاج
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى