مكرونة بالبشاميل والخضار

#مطبخ_دعاء_عاشور

المقادير
1/2 كيلو مكرونة قلم - 1 كيس خضار مشكل 1/2 كيلو بسلة وجزر وفاصوليا خضرة - بصلة صغيرة - 4 كوبايات لبن - 2 بيضة - 2 معلقة سمنة - 3 معالق دقيق كبار - 1/2 كوب جبنه موزاريلا - 1/2 كوب جبنه رومى - رشة ملح و فلفل

الطريقة
على النار السمنة نسيحها ونحط عليها الدقيق ونقلبهم مع بعض وبعدين ننزل عليهم اللبن بارد ونقلبهم لحد لما تغلي وعليها ملح وفلفل ونجيب بصلة صغيرة ونقطعها و نشوحها فى معلقة سمنة وبعد كدة ننزل عليها كيس الخضار ونتبلهم بالملح والفلفل ونحضر صنية وندهنها بالسمن ونرشها بالبقسماط ونسيبها على جنب ونضيف البيض على البشاميل بعد ما يكون برد و ونقلبهم وبعدين نضيف 3/4 الكمية على المكرونة كلها وناخد نص كمية المكرونة ونفردها فى الصنية وننزل عليها الخضار وبعدين نضيف باقى المكرونة وفى الاخر ننزل عليهم ربع البشاميل اللى فاضل و ممكن نزودله بيضة ونضيفها على وش الصنية ونزود الجبنه الرومى والموزاريلا على الوش وندخلها الفرن لمدة نص ساعة وتقدم ومع تحياتى دعاء عاشور وبالهنا