محشى البصل

من طرف duaa الإثنين فبراير 27, 2017 5:24 pm

المقادير

كيلو بصل صغير-عصير طماطم-خضره للمحشى-بصلتين-معلقتين سمن-معلقتين زيت-ملح-كمون-فلفل اسمر

الطريقه

نقشر البصل ونقطعه صغير علشان تقليه المحشى وبعد كده نضرب الطماطم فى الخلاط علشان الصلصه ونحط البصل اللى قطعناه صغيرفى حله ومعاه السمن

ونرفعه على النار ولما يصفر نحط الطماطم وبعد لما الصلصه تاخد غلوتين نحط الخضره ونقلب وبعدينونحط الرز ونطفى النار

خلاص نجهز البصل اللى هنحشيه نغلى مايه على النار زى ما بنسلق الكرنب كده ولما تغلى نحط البصل فيها لغايه ما يتسلق نبتدى نورقه نفصل كل ورقه من ورقات البصل لوحدها وناخد ورقه ورقه ونحشيها ونلفها تانى ونحط كبشتين اتنين شوربه على البصل

ونرفعهم على النار اول ما الشوربه تغلى ننهدى النار على طول يستوى ويقدم........بالهنـااا