طريقه سهله للباديكير فى المنزل

قبل ما نبدأ في الخطوات لازم يكون عندك طقم الباديكير واللي بيحتوي على قصافة ومبرد خشبي ومقص وأداة لإزالة الجلد الميت حول الأظافروفرشاة صغيرة لإزالة الأوساخ اللي بتترسب تحت الأظافر ومبشرة أو حجر لإزالة الجلد الميت من كعب الرجل ودلوقتي بقى يلا نبدأ خطوات الباديكير

1- أول خطوة هتعمليها إنك تنقعي رجلك في طبق فيه ماية ساخنة بدرجة حرارة اللي بشرتك تقدر تستحملها وتسيبيها في الماية لمدة كافية لغاية ما تحسي إن الجلد الناشف اللي في رجلك بقى طري وتقدري تفركيه بسهولة

2- ابدئي بالقدم اليمنى بإنك تفركيها باستخدام الحجر الطبيعي أو الحجر الصناعي اللي بيبقى موجود في الصيدليات وممكن تستخدمي معاهم كمان مبشرة القدمين اللي بتفرك الجلد الميت من كعب وبطن الرجل وكمان عند منطقة الأصابع لكن ابعدي تماما عن أدوات إزالة الجلد الميت اللي بتستخدم الموس لأنها بتخلي الجلد يطلع ناشف واستمري في فرك رجلك بهدوء لغاية ما تحسي إن كعب رجلك بقى نضيف تماما وإنك تخلصتي تماما من الجلد الميت اللي عليه

3- حطي رجلك مرة تانية في طبق الماية الساخنة وطلعيها وباستخدام فرشة القدمين ابدئي في إزالة آثار الجلد الميت من على رجلك وفي تنظيف الأوساخ اللي بتتراكم تحت الأظافر

4- اشطفي رجلك بالمية بعد كده وابدئي في إزالة الجلد الزائد حول الأظافر باستخدام الأداة المخصصة لكده بس خلي بالك إنك تبقي حريصة جدا وإنتي بتقومي بالخطوة دي علشان ما تعوريش نفسك......