دجاج فى الفرن بالثوم والبطاطس

#مطبخ_دعاء_عاشور
المقادير
6 - 8 اوراك دجاج بالعضم - 1/2 كيلو بطاطس متقطعة مكعبات - بصلة متقطعة مكعبات - 2 معلقة كبيرة زيت - 2 معلقة صغيرة ثوم مفروم - 1/2 معلقة صغيرة شطة - 2 معلقة كبيرة بصل اخضر متقطع - ملح - فلفل

الطريقة
سخني الفرن على درجة حرارة 200 درجة لمدة من 15 – 20 دقيقة قبل ما تحطي الدجاج في طبق حطي اوراك الدجاج مع البطاطس وتبليهم بالثوم و الملح والفلفل والشطة وقلبيهم كويس مع بعض لحد ما تتأكدي ان الدجاج كله و البطاطس اتغطت بكل التوابل وحطي الدجاج والبطاطس في صينية الفرن و حطي معاها البصل المتقطع ورشي عليها زيت وحطي الصينية في الفرن لحد ما الدجاج يستوى هياخد في الفرن حوالي من 30 دقيقة وبعدها ممكن تشغلي عليها الشواية من فوق لمدة من 2 – 3 دقايق عشان تخليها كرسبي من بره و طلعيها من الفرن وغطيها بالفويل وسيبيها ترتاح لمدة من 5 - 10 دقايق, و بعدها حطيها في طبق التقديم ورشي عليها من فوق البصل الاخضر وعصير ليمون وتقدم ومع تحياتى دعاء عاشور وبالهنا..

ملحوظة
وقت الطهي ممكن يختلف على حسب حجم وسمك الفراخ والبطاطس وممكن لو عايزة تحضريها من قبلها تخلطي الفراخ مع البطاطس وتتبليها وتحفظيها في كيس مغلق في التلاجة او في الفريزر ولما تحبي تسويها اي وقت طلعيها و ضيفي لها البصل والزيت ودخليها الفرن