طاجن كوسة بالعكاوى

#مطبخ_دعاء_عاشور

المقادير
1/2 كيلو عكاوى - 1 كيلو كوسه مقطعه - 3 حبات بصل مقطعه - 1/2 كيلو طماطم معصوره - فصين ثوم - مكعب مرقه - معلقه صغيره ملح - معلقه صغيرة فلفل اسود - معلقه كبيره كزبره ناشفه - رشه شطه بودره اختيارى - زيت - 4 كوب مايه كبيره

الطريقة
فى حله على النار نضيف المايه وبصله واحده مقطعه والثوم والتوابل ثم نتركها تغلى تكون العكاوى مغسوله كويس بمايه وملح وبعد ماتغلى المايه نضيفها ونتركها تستوى لمده ساعه تقريبا
فى ذلك الوقت فى حله اخرى نضيف الزيت على النار ونتركه يسخن ونضيف البصله ونحمرها كويس ثم نضيف الطماطم المعصوره ونتركها تتسبك كويس عشان ماتاخد وقت والتسبيك على نار هاديه ونشوف العكاوى نصف السوى مش ضرورى تستوى جدا عشان حنضيفها فى الصلصه بعد التسبيك نضيف الكوسه الى الصلصه ومكعب المرقه ونضيف العكاوى ونضيف الشوربه وتدخل الفرن تحمر وتقدم ومع تحياتى دعاء عاشور وبالهنا...