اسرار نجاح محشى ورق العنب
:: نصائح ومعلومات :: الأكلات
صفحة 1 من اصل 1
اسرار نجاح محشى ورق العنب
-ما تسلقيش ورق العنب جامد اسلقيه نص سلقه في ميه بملح علشان ما يتهريش منك
-في اللف خللي الضهر الخشن هو اللي لفوق و تحطي عليه الحشوه و الوش الناعم لتحت
-حطي الحشوه كويس و لفي الورقه زي الصوره اللي تحت وسطني الحشوه و ما تكتريش و افرديها علي الورقه ما تكوميهاش في النص
-خللي نفس كميه الرز في كل ورقه علشان يطلع معاكي نفس الحجم
-خللي في قعر الحله قبل ما ترصي الورق ترانشات بصل او بطاطس او عقود الورق او افردي ورقتين تلاته علشان تحمي الصفوف انها تلزق او تتلسع منك في الحله
-رصي الورق اما علي شكل دائري او حلزوني و اما انك تعمليه صفوف صق بالرص فيه الحبات بالعرض و الصف اللي فوقه اعكسي اتجاه الرص و خليه بالطول
-ضيفي في الحشوه عصره ليمون و رشه بهارات بتخللي الريحه و الطعم لا يقاوم و ممكن تدوقي الحشوه علي طرف لسانك علشان تتأكدي انها مظبوطه
-بالنسبه للخلطه ما تخليش فيها سوايل ياما و صفي الرز من السوائل علشان ما يعجنش منك و خللي الميه علي جنب زوديها علي عيار الشوربه ساعه اما تسويه
اما تسوي المحشي بعد ما ترصيه و تحطي الشوربه حطي طبق مقلوب بيتحمل الحراره علشان يثبت الورقات مكانها و ما تتفتحش مع اول غليان للشوربه
-اول ما يغلي الشوربه وطي النار خالص و سيبيها تستوي بالراحه
-اول ما يستوي ضيفي عصره ليمون علي الوش بتقوي الطعم و تحافظ علي لون الورق ما يسودش منك مع تحياتى دعاء عاشور وبالهناا..
مواضيع مماثلة
» اسرار نجاح الزلابيه
» اسرار نجاح البسكويت
» اسرار نجاح البراونيز
» أهم اسرار نجاح البشاميل
» اسرار نجاح البيتزا
» اسرار نجاح البسكويت
» اسرار نجاح البراونيز
» أهم اسرار نجاح البشاميل
» اسرار نجاح البيتزا
:: نصائح ومعلومات :: الأكلات
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى