طريقة الساليزون

المقادير
1كوب دقيق-1كوب ماء-3بيضات-رشه ملح-2كيس فانيليا-2معلقه زبده صفره بدرجه حراره الغرفه-1 معلقه زيت ذره


الطريقه
نجيب حله و نحط فيها المايه و الزبده و معلقه الزيت و رشه الملح ونسيب الميه علي النار تسخن قوي و قبل ما تغلي نطفي عليها ونروح حاطين كبايه الدقيق علي المايه و نقلب بسرعه و كويس قوي و نفضل نقلبها بالمعلقه الخشب لحد ما تبقي كوره واحده و بعدين نسيب العجينه تبرد ونجيب البيض و نحط عليه الفانيليا و نضربه كويس بالشوكه
نحط البيض حبه حبه علي العجينه يعني علي 3 مرات نحط حبه و لما العجينه تشربه نحط الحبه اللي بعدهم ونجيب كيس حلواني و نحط فيه العجينه و نشكله علي صاج مدهون بالزيت و نحطه في الفرن حوالي ربع ساعه و يكون الفرن سخن من حوالي 10 دقايق علي درجه حراراه متوسطه ولما يستوي هتلاقيه حجمه بقي الضعف و فيه فجوه من جوا نسيبه يبرد خالص و علي ما يبرد نجهز الحشو

الحشو
علبه جبنه كوبايات و دي هاتبقي زي الكريمه-سوسيس مسلوق و مقطع حلقات-زبتون اسود حلقات-جبنه رومي مكعبات

طريقه الحشو
نقتح جنب واحد من الساليزونه و نحط جواها الجبنه الكبايات و بعين زتونه و سوسيسه و بس و نسيبها بقي في التلاجه لحد وقت التقديم وتقدم.............بالهناااا..