كيكة الكاكاو

مقاديرصوص شيكولاتة
مج كاكاو - مج لبن بارد - مج زيت - مج سكر - كيس فانيليا
مقاديرالكيك
5 بيضات - كيس فانيليا - كيس بيكينج باودر -2 كوب دقيق - كوب سكر - باقي صوص الشيكولاتة - و3 ملاعق سمنة أو زبدة سايحة
طريقة صوص شيكولاتة
نضربهم مع بعض كويس أوي في الخلاط وبعد ما يختلط الخليط هناخد منه مج واحد بس ونحطه في الفريزر على ما نجهز الكيك

طريقة الكيك
نضرب البيض مع الفانيليا كويس اوي على السرعة هادية وبعدين بنزود السرعة تدريجيا وبعد كده بنضيف السكر بالتدريج لحد مايكون عامل معانا زي الكريمة وننزل على الخليط ده بالسمنة وبعد كده الكمية المتبقية من صوص الشيكولاتة وننزل عليه الدقيق والبيكنج باودر ولو لقيتي الكيكة مش مدياكي القوام اللي انتي متعودة عليه وبتحبية ممكن تزودي الدقيق شوية وادهني الصينية بالزبدة ورشي عليها الدقيق وصبي عليها الكيكة ودخليها الفرن وتكوني مسخناه من قبلها وتسيبيه على أعلى درجة حرارة عندك لمدة عشر دقائق وبعد كده تهدي عليها النار وبعد كده نطلع مج الصوص من الفريزر وقطعى الحروف و الأجناب والوش بتاع الكيك علشان تشرب الصوص ومايكونوش ناشفين ونسبها شويه لحد متبرد وبعد كده نقسمها لقسمين وتدهنيها بالصوص على فكرة الصوص ده مابيتصبش ده بيكون تقيل وانتي بتدهنيه على الكيكة بالمعلقة وبعد كده نحط النصف التاني من الكيك بعد كده بتقطعيها مستطيلات زي الجاتو وممكن نرش عليها مكسرات ومع تحباتى دعاء عاشور وبالهنا...