كيكة بصوص الرمان والليمون

المقادير
1 1/ 2 كوب دقيق - 2بيضة - كوب سكر-1/ 2 كوب زبدة - كوب عصير رمان - كوب صغير زبادي - 2/ 3 كوب حبات رمان - 1/ 2 ملعقة صغيرة ملح -1 1/ 2 كوب سكر بودرة -4 ملاعق صغيرة بشر ليمون -1 1/ 2 ملعقة صغيرة بيكنج بودر- رشة فانيليا

الطريقة
1-أول حاجة قلبى الدقيق والبيكنج بودر والملح وانخليهم مع بعض
2-وبعدين اضربي السكر والزبدة مع بعض لحد ما السكر يدوب كويس وبعدين ضيفي عليهم البيض تدريجيا واضربى كويس أوي بعد كل بيضة
3-وبعد كده ضيفي 1/ 2 كوب عصير رمان وملعقتين من بشر الليمون وقلبيهم لحد ما يختلطوا وبعدين حطي خليط الدقيق على الخليط السابق وقلبيهم مع بعض وفي الآخر حطي الزبادي وقلبى
4-حضري القالب بإنك تدهنيه زبدة وبعدين صبي فيه الخليط ودخلي القالب في فرن ساخن لحد ما الكيك تستوي
5- بعد ما تستوي طلعيها من الفرن وسيبيها تبرد لمدة ربع ساعة
6-في الوقت ده حضري الصوص
بإنك تقلبى السكر البودرة وباقي كمية عصير الرمان والفانيليا وملعقة بشر الليمون وقلبيهم كويس
7-دوسي على وجه الكيك بشوكة وصبي الصوص عليها وافرديه وبعدين دخليها التلاجة تبرد وبعد كده طلعيها ووزينيها بحب الرمان وقدميها وبالهنااا...